Sot në Kosovë pritet të kemi mot kryesisht me diell dhe vranësira të pakta lokale. Më shumë vranësira parashihet të ketë në mëngjes, ndërsa gjatë ditës më shumë rreze diellore dhe erëra nga juglindja. Temperatura maksimale pritet të arrijë deri në 14 gradë Celsius.
Në Shqipëri parashihet të mbajë mot kryesisht i vranët dhe me reshje lokale shiu. Temperaturat maksimale pritet të lëvizin nga 16 deri në 19 gradë Celsius. Në Maqedoninë Veriore pritet mot i ndryshueshëm. Në perëndim me vranësira, ndërsa në lindje me intervale të gjata kohore me diell. Intervale të gjata kohore me diell sot priten edhe në Luginën e Preshevës, ndërsa në Mal të Zi me vranësira dhe riga lokale shiu.
Nga e hëna na pret mot paksa më i ngrohtë, me alternime mes vranësira dhe intervaleve kohore me diell. Priten riga ose rrebeshe afatshkurtra, të dobëta shiu nganjëherë në disa rajone. Në Shqipëri priten reshje më të shpeshta shiu dhe rrebeshe lokale me ndonjë vetëtimë dhe bubullimë./MeteoBallkan
