Edhe pse shumë mediume të huaja dhe disa edhe tonat lajmëruan një goditje të fuqishme siberike afër festave ne nuk u ngutëm me konklusione të parakohshme dhe të gati të gjithë entuziatët e reshjeve të mëdha të borës nuk do ta presin mirë këtë lajm. Dorën në zemër, modelet lajmëruan një goditje të madhe, por afati kohor ishte shumë i gjatë dhe ndryshimet e pritshme edhe ndodhën. Fillimisht modelet parashikuan bërthamën e ajrit të ftohtë siberik pikërisht në Ballkan të shoqëruara me reshje të dendura bore, por ndryshimi prej “360 shkallësh” (shprehje figurative) ndodhi dhe një gjë të tillë deri diku ne edhe e prisnim.
Pra, që të mos e zgjasim shumë: gjatë ditëve të ardhshme do të vazhdojë të mbajë mot i ftohtë dhe me reshje sporadike bore dhe erëra të ftohta kryesisht nga veriut.
Nga dita e enjte e javës tjetër pritet aktvizimi i Mesdheut dhe Atlantikut duke kushtëzuar erëra nga drejtimi i jugut dhe rritje të ndjeshme të temperaturave. Kjo për shkak të cikloneve të fuqishme që nga Spanja, Franca dhe Mesdheu të cilat pritet të aktivizojnë rrymat e ngrohta ajrore nga Mesdheu dhe Afrika Veriore në drejtim të rajonit tonë. Pra, bazuar në ecuritë aktuale sinoptike për festën e Krishtlindjeve nuk priten reshje bore. Mund të ketë reshje shiu dhe erëra jugore, ndërsa për Vitin e Ri të gjitha opcionet mbeten ende të hapura dhe na mbetet të presim evoluimin e gjendes sinoptike./MeteoBallkan
