Fronti i ftohtë solli sot reshje lokale, rrebeshe bore, ndërsa në disa vise pati reshje të përziera. Në kohën e rrebesheve pati edhe erëra të ftohta nga veriu dhe veriperëndimi, ndërsa shpeshherë pati edhe intervale kohore me diell. Mot i ngjashëm na pret deri në mbrëmje, ndërsa priten ulje të temperaturave sidomos në orët e natës dhe mëngjesit të herëshëm nga -2 deri në -4 gradë Celsius.
Gjatë ditës së nesërme dhe të enjtën një fushë e ngrohtë termike do të shkaktojë rritje të shpejta të temperaturave dhe erëra jugperëndimore, ndërsa reshje nuk pritet të ketë.
Reshjet rikthehen të enjtën pasdite ose në mbrëmje dhe priten fillimisht reshje lokale shiu e pastaj të përziera.
Të premtën më ftohtë dhe me reshje lokale bore kryesisht të pakta.
Gjatë fundjavës një tjetër front i fuqishëm pritet të sjellë reshje të reja, por për këtë në postimet tona të ardhshme./MeteoBallkan
