Ramadan Totaj nga fshati Gjonaj, ankohet se që nga fillimi i muajit prill, katër herë i janë shkatërruar kosheret me bletë sipër shtëpisë së tij.
Së fundmi, ai thotë se të shtunën i janë dëmtuar 15 të tilla, dhe se tashmë i kanë mbetur shumë pak nga 40 koshere sa posedonte ai.
Ai pretendon se dëmet po i shkaktohen nga ariu dhe për këtë është shumë i bindur, ndërsa përveç dëmëve është përhapur edhe frikë tek fëmijët, pohon ai. Ai thotë të jetë i lidhur shpirtërisht me bletarinë qysh nga fëmijëria, ndërsa shton se për rastet e shkatërrimit të koshereve ka informuar edhe policinë, ndërsa edhe dëmet janë të konsiderueshme.
Ai apelon tek institucionet që të merren më seriozisht për të izoluar së paku ariun keqbërës siç pretendon ai, por nuk është optimist se organet përkatëse do të kenë parasysh kompensimin e bletarëve të dëmtuar sikurse ai.
Bletari Totaj, krejt në fund gjatë largimit tonë, tha se mbetet në ankth se kafsha që po i shkakton telashe prapë do të vie në vendin e saj ku po i shkatërron kosheret e tij përplot me bletë.
Video në link: https://fb.watch/5U_wFpXXaz/