Fronti i ftohtë ajror ka depërtuar edhe në Kosovë duke flladitur shumë pjesë të Kosovës, me erëra kalimthi mjaft të fuqishme vende-vende. Në shumë rajone ka edhe zhvillime konvektive me rrebeshe shiu, ndërsa rrebeshet e shiut do të vazhdojnë lokalisht edhe gjatë orëve të ardhshme por jo në krejt territorin e Republikës së Kosoves.
Fronti do të vazhdojë të avansojë drejt juglindjes duke ulur temperaturat. Erërat do të jenë të fuqishme sidomos me kalimin e frontit, por pastaj priten erëra të rëndomta dhe të freskëta nga veriu.
Temperaturat në Kosovë pritet të shënojnë ulje të kënaqshme pas vepës së fuqishme verore.
Edhe gjatë natës dhe mëngjesit të nesërm priten rrebeshe lokale shiu vetëm në disa zona në Kosovë, ndërsa fronti shumë pak do të ndikojë në Shqipëri dhe Maqedoninë Veriore. Më shumë do të ndikojë në aspektin termik duke ulur paksa temperaturat e shumë pak do të ndikojë në reshje atmosferike./MeteoBallkan