Edhe sot gjendemi nën ndikimin e masave ajrore mjaft të nxehta me origjinë nga Afrika Veriore, por kemi edhe depërtimin gradual të disa masave jo-stabile ajrore të cilat me kombinim me nxehtësinë pritet të krijojnë zhvillime të stuhive të izoluara. Rrebeshet e sotme që priten pasdite nuk do të përfshijnë tërë territorin, por vetëm disa rajone. Është e pamundur në këto raste me përcaktu saktë se cilat rajone ngase natyra e reshjeve të izoluara të verës e pamundëson një gjë të tillë.
Nesër dhe pasnesër do të kemi zhvillime më të fuqishme të vranësirave vertikale të cilat do të kushtëzojnë rrebeshe lokalisht të fuqishme shiu me vetëtima, bubullimë dhe mundësi edhe për breshër.
Pra, pas disa ditëve të thata dhe shumë të nxehta, radhën a kanë rrebeshet e shiut të pasditeve dhe mbrëmjeve dhe uljet e lehta të temperaturave. Reshjet e shiut do të jenë jashtëzakonisht të mirëseardhura, por prapëseprapë nuk duhet pritur reshje gjithëpërfshirëse. Në disa rajone priten shtrëngata të fuqishme dhe breshër./Meteoballkan