Për momentin jemi nën ndikimin e masave të ngrohta ajrore me origjinë nga Afrika Veriore dhe masave të thata ajrore anticiklonike, por nga nesër (e mërkurë) gjendja sinoptike do të fillojë të ndryshojë gradualisht sidomos në viset tona kontinentale, për arsye të depërtimeve të disa fronteve të ftohta ajrore nga veriperëndimi i Kontinentit. Në bregdet moti mbetet kryesisht i kthjellët dhe i ngrohtë por jo shumë i nxehtë. Ndryshimi i temperaturave do të hetohet më shumë në viset kontinentale.
Fillimisht fronti nuk do të jetë i pasur me lagështi, prandaj nuk piriten reshje përpos disa rrebesheve afatshkurtra kryesisht në viset kodrinore-malore. Në mesjavë rrebeshe intensive mund të ketë në territorin e Maqedonisë së Veriut sidomos në gjysmën lindore të këtij vendi.
Nga e enjta pasdite rrebeshe lokale shiu me vetëtima dhe bubullimë pritet të ketë edhe në Kosovë, Luginën e Preshevës dhe Mal të Zi viset kontinentale.
Fundjava sipas ecruvie aktuale na sjellë mot të paqëndrueshëm për shkak të zhvillimit të një cikloni me qendër sipas të gjitha gjasave në Evropen lindore dhe juglindore. Ky ciklon pritet të shkaktojë destabilizim të herëpashershëm të atmosferës që do të kushtëzonte reshje të herëpashershme shiu dhe rrebeshe lokale shiu me vetëtima dhe bubullimë. Temperaturat shënojnë ulje. Shumica absolute e territorit të Shqipërisë do të mbetet pa reshje. Po ashtu edhe bregdeti malazez pritet të mbetet kryesisht pa reshje. Rebeshe mund të ketë në veri dhe verilindje të Shqipërisë dhe ndoshta ndonjë rrebesh afatshkurtër mund të paraqitet në bregdetin verior të Shqipërisë./Meteoballkan
