Java që po hymë do të karakterizohet me mot kryesisht stabil dhe relativisht të nxehtë, kurse nga mesi i javës do të jetë edhe mjaft nxehtë për këtë periudhë kohore, ngase temperaturat do të arrijnë dhe tejkalojnë shifrën 20 deri 25 gradë Celsius. Netët dhe mëngjeset do të jenë mjaft të freskëta dhe në disa vise edhe të ftohta me mundësi për ngricat e para, por gjatë ditëve të javës edhe temperaturat minimale do të shënojnë ngritje. Po ashtu gjatë mëngjeseve në disa rajone mund të ketë mjegull dhe vranësira të ulëta.
Pra, nuk kemi çka të shtojmë më shumë për këtë javë, përpos që pritet mot i mirë, i këndshëm, stabil dhe çdo ditë e më i nxehtë për shkak të një anticikloni të fuqishëm dhe masave të nxehta ajrore me origjinë nga Afrika Veriore që pritet të vinë nga mesjava. Reshje atmosferike nuk pritet të ketë deri në fundjavë.
Sa i përket fundjavës e shtuna pritet të jetë ditë me mot të nxehtë dhe stabil, ndërsa të dielën do të kemi shtim të vranësirave dhe mundësi për reshje shiu.
Për detaje tjera do tu njoftojmë gjatë ditëve të javës.
Ishte ky parashikimi javor i motit. Nëse eventualisht do të kemi ndonjë ndryshim të papritur të kushteve të motit do tu njoftojmë në postimet tona të përditshme./Meteoballkan