Mes viteve 1962 dhe 1995, vetëm në Britani janë shkaktuar rreth 184 vdekje nga shembja e pjesshme e ndërtesave si pasojë e erërave të fuqishme në Mbretërinë e Bashkuar. Dëmi mesastar për çdo vit është llogaritur të jetë rreth 350 milionë euro.
Prandaj, Met Office ka dalë me disa këshilla të cilat mund të jenë të dobishme për secilin se si të mbrohemi nga stuhitë e rrëmbyeshme, shkruan MeteoBallkan.
Përpara stuhisë:
– Siguroni objektet e luhatshme, siç janë shkallët e lëvizshme, pajisjet e kopshtit apo çdo gjë që do të mund të ishte e rrezikshme që të përfshihej nga erërat
– Mbyllini me çelës dyert dhe mbyllini mirë dritaret, veçanarisht ato që goditen drejtpërdrejt nga era, si dhe dyert e mëdha siç janë ato të garazheve
– Parkoni veturat në garazhe po të jetë e mundur, nëse jo, parkoni diku larg ndërtesave, pemëve, mureve e gardheve
Gjatë stuhisë:
– Qëndroni brenda sa më gjatë të jetë e mundur
– Nëse dilni jashtë, mos ecni apo strehoheni afër ndërtesave apo drunjve
– Rrini larg mureve dhe gardheve – nëse këto struktura rrëzohen, ato mund të bien mbi ju
– Mos dilni jashtë që të rregulloni ndonjë dëm përderisa stuhia vazhdon ende
– Nëse është e mundur, hyni dhe dilni nga shtëpia nga anët e sigurta dhe mbyllini dyert prapa jush
– Edhe dyert e brendshme të shtëpisë mos i hapni pa nevojë
– Kujdes përderisa ngitni makinën në rrugë të ekspozuara ndaj rrezikut, në ura apo autostrada të hapura dhe të larta
– Ngadalësoni dhe keni kujdes nga erërat e fuqishme, sidomos kur ngitni vetura që kanë lartësi më të madhe
– Si dhe, nëse keni mundësi mos ngitni fare makinën gjatë stuhive
Pas stuhisë:
– Kujdes që të mos prekni ndonjë kabllo elektrik apo telefonik që mund të gjenden në tokë pas stuhisë
– Mos ecni pranë mureve, objekteve dhe drunjve pasi që mund të jenë dobësuar dhe mund të rrëzohen
– Siguroni që fqinjtë dhe të afërmit janë mirë dhe nuk janë rrezikuar nga stuhia
