Cikloni nga Mesdheu po afrohet gjithnjë e më afër dhe pritet të fillojnë reshjet e shiut. Temperaturat do të ulen edhe në territoret tona, por nuk do të suportojnë reshjet e borës.
Gjatë pasdites dhe mbrëmjes së sotme reshjet e bores do të fillojnë në viset kodrinore-malore të Sllovenisë, Kroacisë, Bosnjës dhe Hercegovinës, Malit të Zi dhe Serbisë jugperëndimore. Në viset tona do të ketë ekskluzivisht reshje shiu dhe reshjet e bores mund të paraqiten vetëm në zonat më të larta malore.
Gjatë ditës së diele po ashtu priten reshje shiu, ngase në rajonin tonë ende do të jemi nën ndikimin e temperaturave relativisht të larta, por priten ulje të lehta të temperaturave. Ulje pak më të theksuara pritet gjatë ditës së hënë dhe për pasojë edhe në viset tona kodrinore-malore priten reshje shqote e bore, por nuk priten nëpër ultësira.
Ardhja e masës së ftohtë ajrore ka kushtëzuar reshjet e para të borës në disa ultësira të Gjermanisë, Polonisë, Austrisë dhe mund të ketë edhe në Slloveni, por kjo masë e ftohtë ajrore nuk do të arrijë në ultësirat tona për të suportuar reshjet e borës. Reshje bore priten vetëm në viset kodrinore malore të dielën dhe të hënën dhe në viset e larta pritet të kemi edhe stresa bore. Nuk përjashtohet mundësia që reshje kalimtare bore të paraqiten edhe në disa vise më të ulëta të Republikës së Kosovës gjatë së hënës.
Sidoqoftë, për reshjet e para të borës nëpër vendet më të ulëta në territoret tona duhet të presim ende./MeteoBallkan
