Temperatura nën 50 gradë Celsius janë matur në 12 zona të rajonit rus të Yakutia, njoftoi zyra rajonale meteorologjike në faqen e saj të internetit.
Shkollat janë tërësisht ose pjesërisht të mbyllura në disa zona dhe shërbimet e emergjencës janë në gatishmëri.
Në Ust-Nera, në zonën e Ojmiakon, temperatura ra në minus 55 gradë Celsius e shoqëruar me një mjegull të dendur dhe pothuajse zero dukshmëri.
Rrethi Ojmjakon konsiderohet të jetë qendra e të ftohtit në të cilën temperatura prej minus 71.2 gradë është matur 80 vjet më parë.
“Në këtë temperaturë, fëmijët nuk shkojnë në shkollë, por në mënyrë që të mos mbeten mbrapa me mësime, ata mësojnë në shtëpi dhe kryejnë detyrat që u caktohen nga mësuesi, po ashtu një veshje e veçantë, e cila përbëhet nga kapelet e gëzofit, dhe bunda të trash”, njoftoi zyrtarja lokale Tatjana Alferova.
Mjekët rekomandojnë te banorët që të mos dalin jashtë në temperatura të tilla të ulëta sepse ajri i ftohtë është veçanërisht dëmshëm për organet e frymëmarrjes.
