Temperaturat do të kalojnë në “minus” gjatë kësaj nate në shumë vise tona kontinentale për shkak të kthjellimit të motit dhe koncentrimit të një mase të ftohtë ajrore.
Orët e vona të natës dhe orët e hershme të mëngjesit sjellin acar kryesisht të dobët, ndërsa temperaturat pritet të lëvizin nga -3 deri në 0 gradë Celsius, por në disa vise malore mund të jetë edhe më ftohtë.
Foto: Meteociel
Ky acar i lehtë nuk do të zgjasë, ngase nga nesër do të kemi rrymime të forta ajrore nga jugperëndimi që do të ndikojnë në largimin e ajrit të ftohtë, por nuk priten rritje të mëdha të temperaturave, ngase atmosfera do të jetë me vranësira të shpeshta, ndërsa lokalisht priten reshje krejtësisht të dobëta shiu. Reshje paksa më të shpeshta priten në Shqipëri dhe Mal të Zi/MeteoBallkan
