Nesër në Kosovë do të mbajë mot relativisht i nxehtë por jostabil për shkak se priten erëra herë pas here të fuqishme jugore dhe juglindore. Pasdite dhe në orët e mbrëmjes në veriperëndim dhe perëndim të Kosovës si dhe në disa rajone tjera priten reshje shiu. Nuk përjashtohet mundësia që të ketë edhe rrebeshe lokale shiu me vetëtima dhe bubullimë.
Në Shqipëri nesër mot mjaft i ndryshueshëm por i nxehtë dhe me erëra jugore. Gjatë ditës në viset bregdetare priten reshje shiu si dhe rrebeshe lokalisht të fuqishme shiu me vetëtima dhe bubullimë. Reshjet më të fuqishme me vetëtima dhe bubullimë priten në veriperëndim dhe veri të Shqipërisë.
Në Maqedoni nesër mor kryesisht i thatë, mjaft i nxehtë por me erëra mesatare dhe të fuqishme jugore. Në Mal të Zi pothuajse gjatë tërë ditës së nesërme priten reshje shiu si dhe kohë pas kohe rrebeshe të fuqishme shiu me vetëtima dhe bubullimë.
Të Hënën në Kosovë priten ulje të temperaturave dhe reshje lokale shiu, kurse në viset kodrinore-malore priten reshje bore. Erërat do të ndryshojnë drejtim dhe do të fillojnë të fryjnë nga ana e verilindjes. Reshje lokale me intensitet kryesisht të dobët gjatë ditës së hënë priten edhe në Maqedoni dhe ekstremet lindore dhe verilindore të Shqipërisë, kurse në viset kontinetale të Malit të Zi priten reshje bore.
Edhe të martën mot pak më i ftohtë dhe me vranësira kurse të mërkurën në Kosovë priten reshje të herëpashershme bore./Meteoballkan.com
