Nesër në Kosovë pritet të mbajë mot kryesisht me diell dhe ende mjaft i nxehtë. por pasdite në disa rajone pritet të ketë shtim të vranësirave të cilat pritet të kushtëzojnë rrebeshe të izoluara shiu me vetëtima dhe bubullimë.
Në Shqipëri edhe nesër pritet të mbajë mot kryesisht me diell dhe mjaft i nxehtë. Pasdite vende-vende priten disa vranësira, por pa reshje atmosferike. Rrebeshe të izoluara nesër pasdite priten edhe në disa vise në Maqedoninë Veriore, Luginë dhe sidomos në veriun e Malit të Zi. Gjatë natës në Mal të Zi priten rrebeshe intensive shiu me vetëtima dhe bubullimë duke përfshirë edhe bregdetin
Pasnesër *e mërkurë) në tërë rajonin pritet të ketë shtim gradual të vranësirave, por priten edhe intervale të gjata kohore me diell sidomos në jug/perëndim të Shqipërisë dhe jugperëndim të Kosovës. Pasdite priten të ketë zhvillime të vranësirave konvektive të cilat pritet të kushtëzojnë rrebeshe lokale shiu me vetëtima dhe bubullimë. Po ashtu priten ulje graduale të temperaturave. Vende-vende mund të ketë rrebeshe intensive shiu. Më së paku reshje priten në jug të Shqipërisë, jugperëndim të Kosovës dhe Maqedoninë Veriore.
Të enjtën si në Kosovë po ashtu edhe në Shqipëri na pret mot i ndryshueshëm, me intervale kohore me diell dhe vranësira të shpeshta të cilat pritet të kushtëzojnë riga lokale shiu dhe mundësi për ndonjë rrebesh shiu. Temperaturat do të shënojnë ulje të ndjeshme në tërë rajonin.
Nga e premta më ngrohtë, me intervale të gjata kohore me diell dhe vranësira. Vende-vende mund të ketë riga ose rrebeshe shiu./Meteoballkan