Nesër në Kosovë pritet të kemi mot me vranësira dhe intervale të gjata kohore me diell. Rrallë në disa vise mund të ketë ndonjë rigë të dobët shiu ose fjolla afatshkurtra bore në disa vise kodrinore-malore. Temperatura maksimale pritet të arrijë deri në 11 gradë Celsius.
Në Shqipëri, Maqedoninë Veriore, Mal të Zi dhe Kosovën lindore nesër pritet të mbajë mot me vranësira të pakta dhe më shumë intervale të gjata kohore me diell. Në viset mesdhetare pritet ditë e këndshme vjeshtore me shumë rreze diellore.
Të shtunën mëngjesi do të jetë shumë i ftohtë në Kosovë dhe viset tjera kontinentale të rajonit tonë me ngrica lokale e temperatura minimale deri në -3 ose -4 gradë Celsius. Gjatë ditës do të ketë shtim të vranësirave e në mbrëmje dhe natën riga lokale shiu e fjolla bore vetëm në disa rajone.
Të dielen na pret mot i vranët dhe i ftohtë. Në shumë vise të Kosovës priten reshjet e para të dëbores. Reshjet do të jenë estetike në shumë rajone duke gëzuar entuziastët e borës, por nuk priten reshje të mëdha dhe nuk pritet borë në të gjitha ultësirat. Reshjet e borës të dielën do të paraqiten edhe në Veri, verilindje, lindje dhe juglindje të Shqipërisë, veri të Malit të Zi dhe viset kodrinore-malore të Maqedonisë së Veriut dhe Kosoves lindore duke mos përjashtuar fjollat e bores edhe në disa ultësira ku temperaturat do të favorizojnë fjollat e bores.
Të hënën ftohtë dhe me fjolla sporadike bore./MeteoBallkan
