Nesër (e mërkurë) në Kosovë atmosfera pritet të destabilizohet dhe për këtë arsye mund të kemi shfaqjen e vranësirave vertikale ose konvektive të cilat ksuhtëzojnë rrebeshe lokalisht të fuqishme shiu me vetëtima, bubullimë dhe mundësi edhe për breshër.
Natyra e reshjeve konvektive është kryesisht e karakterit lokal, prandaj reshjet e nesërme nuk do të jenë gjithëpërfshirëse. Përderisa një rajon përfiton rrebesh të fuqishëm me bubullima rajoni tjetër nuk përfiton asnjë pikë shiu dhe kjo ka shumë mundësi të ndodhë nesër në Kosovë. Më pak gjasa për rrebeshe shiu nesër ka perëndimi i Kosovës
Përpos Kosovës rrebeshe lokale shiu nesër priten edhe në Maqedoninë Veriore, Mal të Zi si dhe lindje të Shqipërisë.
Nga pasnesër edhe më ngrohtë, me intervale kohore me diell, vranësira dhe erëra jugore./Meteoballkan