Cikloni “Daniel” apo siç e kemi përmendur shumë herë ditëve të kaluara si “cikloni grek” shkaktojë reshje rekorde me dëme katastrofike në Greqi. “Cikloni grek” pas Greqisë doli në detin e hapur në Mesdhe duke u fuqizuar dhe mori karakteristikat e një uragani të viseve tropikale. Këto super-stuhi të rralla në Mesdhe quhen Medikane, ngase ato të cilat ndodhin në terrene tjera gjeografike quhen uraganë dhe tajfunë. Karakteristikat i kanë të njëjta ose të ngjashme, por një Medikan nuk mund të arrijë asnjëherë Kategorinë 5 siç ndodhë me Uraganët dhe Tajfunët.
Stuhia tragjike u fuqizua shumë afër jugut të Italisë dhe u nis direkt në drejtim të brigjeve të Afrikes Veriore, duke u përplasur direkt në Libi. Toka e Libisë është jashtëzakonisht e thatë dhe kur erdhi stuhia me atë sasi të madhe të reshjeve dhe erërave uraganike ndodhi tragjedia.
Deri më tani janë raportuar mbi 5000 viktima nga kjo stuhi shumë e fuqishme në Libi, ndërsa një tjetër shtet në Afriken veriore po ashtu u godit nga një fatkeqësi tjetër natyrore. Është fjala për Marokun që u godit nga një tërmet mjaft i fuqishëm dhe i cili po ashtu shkaktojë tragjedi dhe humbje të mëdha të jetëve njerëzore në Marok.
Shumë njerëz në Libi ende janë të zhdukur dhe dyshohet se numri i viktimave mund të rritet edhe më shumë, ndërsa qeveria e Libisë ka kërkuar ndihmë.
