Një sistem i fuqishëm vranësirash nga Adriatiku verior sonte pritet të përfshijë Malin e Zi dhe Shqipërinë duke kushtëzuar reshje të fuqishme shiu dhe shtrëngata me vetëtima dhe bubullimë. Rrebeshe të fuqishme shiu priten në Mal të Zi dhe veriun e Shqipërisë, ndërsa gjatë ditës së nesërme sistemi pritet të zhvendoset në drejtim të jugut të Shqipërisë ku edhe atje priten rrebeshe të fuqishme shiu.
Reshje shiu priten edhe në Kosovë, pak më intensive në Dukagjin, kurse në viset tjera nuk priten reshje të mëdha. Nuk përjashtohet mundësia për ndonjë shtrëngatë shiu me vetëtima dhe bubullimë edhe në Kosovë, sidomos në disa vise të Dukagjinit. Vende-vende priten edhe reshje të përziera me breshër, kurse në viset e larta malore reshje bore.
Reshjet më të fuqishme priten në veri/veriperëndim të Shqipërisë, pastaj përgjatë gati tërë vijes bregdetare të vendit, Dukagjin e sidomos në Mal të Zi dhe në fund krejt (nesër) në jug të Shqipërisë. Shumë pak reshje shiu priten në lindje dhe pjesë të qendrës, veriut dhe jugut të Kosovës. Reshje të pakta priten edhe në Luginën e Preshevës dhe në Maqedoninë Veriore.
Me ardhjen e sistemit të vranësirave dhe reshjeve temperaturat pritet të shënojnë ulje, por nuk priten ndonjë i ftohtë që vlenë të theksohet. Nga e enjta përmirësim i motit dhe rritje e temperaturave./MeteoBallkan
