Pas goditjes së parë të dobët polare në Kosovë sot temperatura kanë shënuar rritje të menjëhershme dhe ato kanë arritur deri në 10 gradë Celsius, ndërsa reshjet atmosferike që ranë mbrëmë kanë pushuar në orët e hershme të mëngjesit.
Reshjet ishin mjaft të dendura dhe shkaktuan përmbytje në disa vise të vendit.
Asyeja e rritjes së temperaturave është cikloni më i ri i cili vjen për vikend dhe pozicionimi i ciklonit do të aktivizojë rrymime të ngrohta ajrore drejt territoreve tona. Temperaturat do të rriten në Kosovë deri në 15 gradë Celsius, madje në ndonjë rajon ato mund të rriten edhe mbi 15 gradë Celsius. Maksimalja pritet të arrijë deri në 16 ose 17 gradë Celsius të premtën, vlerë kjo ekstreme për mesin e muajit Dhjetor.
Përpos rritjes së temperaturave rreshje të reja atmosferike na presin këtë fundjavë dhe ato do të jenë kryesisht në formë të shiut. Do të kemi paraqitjen edhe të rrebesheve lokale me vetëtima dhe bubullimë për shkak të temperaturave të larta, ndërsa një goditje tjetër e dobët polare na vjen të dielën dhe të henën kur priten reshje krejtësisht simbolike dhe sporadike bore./MeteoBallkan
