Një ciklon nga Evropa verilindore do të depërtojë sot në rajonin tonë duke kushtëzuar shtim të vranësirave të cilat do të përcillen edhe me reshje shiu. Temperaturat përsëri pritet të shënojnë ulje për arsye të depërtimit të masave të freskëta ajrore në kuadër të këtij cikloni.
Sidoqoftë, reshje të mëdha nuk priten dhe po ashtu nuk parashihen rrebeshe të fuqishme ose breshër. Sipas të gjitha gjasave shiu pritet të jetë i zakonshëm që do ti përngjajë shiut vjeshtor. Po ashtu reshjet nuk pritet të zgjasin shumë dhe nuk do të prëfshijnë tërë rajonin. Më së paku reshje priten në Shqipëri.
Nga e hëna do të vazhdojë të mbajë mot i ndryshueshëm dhe i freskët në viset kontinentale si dhe me riga ose rrebeshe lokale të herëpashershme shiu. Nuk do të mungojnë edhe intervalet kohore me diell.
Nga e mërkura mund të kemi përmirësim gradual të motit dhe mund të kemi disa ditë kryesisht stabile./Meteoballkan
