Ministria e Bujqësisë, Pylltarisë dhe Zhvillimit Rural, njofton se barnatoret bujqësore nuk do të mbyllen, pas vendimeve të Qeverisë për mbylljen e shumë bizneseve pas përhapjes së koronavirusit.
“Dje, më datë 13 mars 2020, në vendimin e Qeverisë është precizuar se nuk mbyllen barnatoret. Me këtë rast, MBPZhR-ja sqaron se këtu përfshihen edhe barnatoret bujqësore. Pra, ju njoftojmë zyrtarisht se barnatoret bujqësore nuk mbyllen dhe lejohen të punojnë sipas orarit të tyre të rregullt”, thuhet në njoftim.
Ndryshe, Qeveria e Kosovës, duke përjashtuar dyqanet ushqimore dhe farmacitë, ka mbyllur pothuajse të gjitha bizneset deri në përmirësimin e situatës.
