Vala e të nxehtit që ka prekur qytetin turistik të Antalias prej 2 ditësh është intensifikuar. Termometri në qytet shënoi dje 46 gradë, duke bërë që plazhet të zbrazen për shkak të vapës së madhe. Pushuesit që erdhën në plazhin e famshëm Konyaaltı në qytet duhej të ktheheshin menjëherë pas.
Antalia, e cila kishte një sezon të butë dimëror, ka shënuar rritje të temperaturave, ndërsa niveli i lagështisë është matur në 9 për qind. Plazhi Konyaalti, i cili zakonisht është i mbushur me turistë dhe banorë vendas të Antalias, ka mbetur bosh. Banorët e qytetit dhe turistët preferuan të mos largoheshin nga shtëpitë dhe hotelet e tyre në mot të nxehtë.
“NDJESIA SI 50 GRADË”
Ismail Yilmaz, i cili erdhi në plazh me mikun e tij për të biseduar, njoftoi se do të ktheheshin në shtëpi pasi nuk mund ta duronin temperaturën e lartë, vetëm 15 minuta pasi kishin mbërritur në plazhin Konyaalti. Yilmaz tha: ”
“Ndjehet sikur temperatura është 50 gradë.”
