Të paktën tre vetë humbën jetën dhe 55 u plagosën në dy aksidente me autobus në Kirsehir, në pjesët qendrore të Turqisë dhe Ankara, të goditur nga reshjet e mëdha të borës, njofton MeteoBallkan, bazuar në shkrimet e mediave turke.
Tre vetë, duke përfshirë një fëmijë, vdiqën në krahinën e Kirsehirit, kur autobusi doli nga rruga dhe u rrotullua.
35 vetë u lënduan në aksident. Guvernatori i Krahinës, Ibrahim Akin tha se gjashtë pasagjerë janë në gjendje kritike. Pranë Ankarasë, në një aksident të ngjashëm, 20 vetë u plagosën dhe u transferuan në spital.
Pjesa qendrore e Turqisë është goditur nga reshje të mëdha dhe përmbytje, gjersa gjendja më e keqe është në Ankara.
