Përderisa stuhitë e fuqishme po godasin Evropën perëndimore dhe qendrore në Gadishullin Ballkanik po vazhdon vapa afrikane i cila sot dhe nesër po arrin kulminacionin e saj. Ndërkohë stuhitë dhe freskia nga Evropa i afrohen rajonit tonë gjithnjë e më shumë, për të depërtuar sot në Slloveni e nesër edhe në Kroaci, Bosnjë, veriun e Malit të Zi, Serbi dhe veriun e Kosovës.
Përpos nxehtësisë së madhe e cila pritet edhe nesër në Kosovë, pasdite nga veriu i vendit pritne zhvillime dhe freskim i motit. Priten rrebeshe lokale shiu me vetëtima, bubullimë dhe mundësi edhe për breshër. Rrebeshe lokale priten edhe në pjesët qendrore të Kosovës dhe lokalisht edhe në vise tjera, por nuk priten në tërë territorin.
Përndryshe masa anticiklonike nga Mesdheu që dominon Shqipërinë nuk lejon që këto jo-stabilitete të depërtojnë në Shqipëri, me përjashtim të veriut të vendit ku priten zhvillime. Megjithatë pas dy ditëve edhe në Shqipëri priten ulje të temperaturave, pra do të vëehet kalimi i frontit të ftohtë i cili edhe pse nuk do të sjellë reshje, pritet të sjellë të paktën një lahtësim për ndonjë ditë nga temperaturat e larta tropike.
Në Kosovë freskia do të ndjehet dukshëm më shumë të premtën dhe të shtunën kur përpos intervaleve kohore me diell vende-vende do të ketë edhe zhvillime me rrebeshe lokale shiu me vetëtima dhe bubullimë.
Sistemet e stuhive nga Evropa perëndimore po zhvendosen gradualisht në drejtim të Evropes lindore, duke prekur edhe disa vise të Gadishullit Ballkanik, por intensiteti i fortë i këtyre sistemeve nuk pritet të prek territoret tona, të paktën njëherë për një herë. Sisteme të reja me reshje priten nga Atlantiku të përfshijnë prapë perëndimin dhe qendrën e Evropës pas ndonjë dite qetësie./Meteoballkan